Reykjavíkurfréttir

Reykjavíkurfréttir 8. okt - Talað og tekið á málum

samstodin@samstodin.is (Samstöðin) — Tue, 8 Oct 2024 16:00:00 +0000

Þriðjudagur 8. október Talað og tekið á málum Borgarstjórnarhópur Sósíalista fer yfir það helsta sem hefur átt sér stað innan borgarinnar á liðnum dögum; tillögu um mælingar á þáttum er tengjast gjaldfrjálsum máltíðum svo hægt sé að fylgjast með þróun þeirra þátta, svo sem næringargildi, gæði og magn. Við munum einnig fjalla um tillögu Sósíalista um samvinnuvettvang við stéttarfélögin sem fékk brautargengi innan borgarinnar sem og breytingar á gjaldskrá í akstursþjónustu fatlaðra, þar sem loks á að miða gjaldið við það sem þekkist hjá Strætó bs

Reykjavíkurfréttir 1. okt - Samgönguleysi í Gufunesi

samstodin@samstodin.is (Samstöðin) — Tue, 1 Oct 2024 16:00:00 +0000

Þriðjudagur 1. október Reykjavíkurfréttir: Samgönguleysi í Gufunesi Í þætti dagsins ræðum við um almenningssamgöngur frá sjónarhóli íbúa í Gufunesi en gestir okkar, Móberg Ordal og Rakel Glytta Brandt heilluðust af vistvænum hugmyndum um sjálfbært þorp og samvinnu íbúa en enduðu samgöngulaus og félagslega einangruð í Jöfursbás.

Reykjavíkurfréttir - Slökkvistarf í eiginlegri og óeiginlegri merkingu

samstodin@samstodin.is (Samstöðin) — Tue, 24 Sep 2024 16:00:00 +0000

Þriðjudagur 24. september Reykjavíkurfréttir: Slökkvistarf í eiginlegri og óeiginlegri merkingu Ásta Dís og Sanna ræða ýmislegt úr borgarmálum síðustu viku. Samþykkt var að skoða nánar tillögu Sósíalistaflokks í borgarstjórn um næringargildi gjaldfrjálsra skólamáltíða. Ásta Dís segir frá reykköfun, óleyfisbúsetu og fleiru í heimsókn sinni til slökkviliðs höfuðborgarsvæðisins en aðalfundur þeirra var haldinn á föstudaginn var í Hafnarfirði og þar kom ýmislegt fróðlegt í ljós. Kjalarnes bar á góma en. einnig ræðum við stuttlega um NPA (notendastýrð persónuleg aðstoð).

Reykjavíkurfréttir - Ójöfnuður í skólakerfinu

samstodin@samstodin.is (Samstöðin) — Tue, 17 Sep 2024 16:00:00 +0000

Þriðjudagur 17. september Ójöfnuður í skólakerfinu Í þessum þætti ræðum við um ójöfnuð og birtingarmyndir þess í skólum. Þórunn Einarsdóttir kennari í framhaldsskóla kemur til okkar og ræðir við okkur um skólastarfið, falinn kostnað við skólaviðburði og misjafnar aðstæður nemenda. Þá veltum við því einnig upp hvort að framhaldskólar ættu að vera gjaldfrjálsir.

Reykjavíkurfréttir 10. sept - Hvað er málið með þessa borgarstjórn?

samstodin@samstodin.is (Samstöðin) — Tue, 10 Sep 2024 16:00:00 +0000

Þriðjurdagur 10. september Reykjavíkurfréttir - Hvað er málið með þessa borgarstjórn? Í þessum þætti kynnum við Ástu Þórdísi Skjalddal Guðjónsdóttur til leiks og starfs í borgarstjórnarflokki Sósíalista. Við ræðum hvernig reynsla hennar úr grasrót fólks í fátækt nýtist inn í pólitíkina og förum yfir starf okkar sem kjörinna fulltrúa í borginni, hin ýmsu ráð og aðkomu að þeim.

Reykjavíkurfréttir 3. sept - Umhverfisvænar og heilsusamlegar skólamáltíðir

samstodin@samstodin.is (Samstöðin) — Tue, 3 Sep 2024 16:00:00 +0000

Þriðjudagur 3. september Reykjavíkurfréttir - Umhverfisvænar og heilsusamlegar skólamáltíðir Í þessum fyrsta haustþætti Reykjavíkurfrétta eru gestir okkar þeir Ludvig Guðmundsson læknir og Stefán Jón Hafstein fyrrverandi formaður menntaráðs Reykjavíkur en báðir eru þeir félagar í Aldin eins og fram kemur í þættinum. Þátturinn fjallar um gjaldfrjálsar skólamáltíðir sem eru jú hluti af samþykktum ríkis og sveitarfélaga við 20 stéttarfélög sem hluta af kjarabótum og er komið til framkvæmda á þessu skólaári en umræðan að þessu sinni er út frá umhverfislegu sjónarmiði. Umsjónarmenn þáttarins eru þær Sanna Magdalena Mörtudóttir og Ásta Þórdís Skjalddal Guðjónsdóttir

Andrými

samstodin@samstodin.is (Samstöðin) — Tue, 14 May 2024 16:00:00 +0000

Reykjavíkurfréttir, þriðjudagur 14. maí Andrými Við fáum innsýn inn í starfsemi Andrýmis sem er róttækt félagsrými sem hefur fyrst og fremst það hlutverk að útvega aðstöðu fyrir grasrótarhópa og einstaklinga til að hittast og skipuleggja baráttu sína fyrir auknu jafnrétti og frelsi. Með sjálfstæðri starfsemi sinni og skipulagningu vill Andrými greiða leið fyrir frekari baráttu í anda valdeflingar, frelsis, jafnréttis og gagnkvæmrar hjálpar. Jakob Beat Altmann, Elías Snær Einarsson og Ragnheiður Freyja Kristínardóttir segja okkur frá Andrými.

Húsnæði, hótel, leikskólar og einhverfa

samstodin@samstodin.is (Samstöðin) — Tue, 30 Apr 2024 18:28:05 +0000

Reykjavíkurfréttir, 30. apríl Húsnæði, hótel, leikskólar og einhverfa. Sanna Magdalena Mörtudóttir og Halldóra Hafsteinsdóttir fjalla um það helsta sem hefur átt sér stað í borgarmálum upp á síðkastið. Við fjöllum um fyrirhugaða 16 hæða hóteluppbyggingu sem á að reisa á Skúlagötu, umræður um byggingarfélag Reykjavíkurborgar, laun á leikskólum og fræðslumyndband velferðarsviðs um einhverfu.

Metnaðarleysi í Mjódd

samstodin@samstodin.is (Samstöðin) — Tue, 23 Apr 2024 16:00:00 +0000

Reykjavíkurfréttir, 23. apríl Metnaðarleysi í Mjódd Sanna Magdalena Mörtudóttur ræðir við Söru Stef Hildar um þjónustuleysið sem birtist á skiptistöðinni í Mjódd. Um er að ræða stærstu skiptistöðina í almenningssamgangnakerfi borgarinnar. Mikill þörf er á úrbótum til þess að gera svæðið aðlaðandi og laga að þörfum strætónotenda.

Eftirlit, sorp og mannréttindabrot

samstodin@samstodin.is (Samstöðin) — Tue, 27 Feb 2024 16:00:00 +0000

Reykjavíkurfréttir, 27. febrúar, 2024 Eftirlit, sorp og mannréttindabrot Sanna, Andrea og Halldóra skoða nánar virkni eftirlitsmyndavéla en nýverið kom út skýrsla sem sýndi fram á að bæta þurfi verulega framkvæmd rafrænnar vöktunar og setja þarf fram leiðbeiningar um rafræna vöktun, t.a.m. varðandi aðgang að efni úr slíkri vöktun. Þá skoðum við hvernig söfnun á lífrænum úrgangi er háttað í öðrum sveitarfélögum á Norðurlöndunum og hvernig pokum undir lífrænan úrgang er komið til íbúa. Við ræðum einnig langa biðlista eftir húsnæði en í desember 2023 voru 207 manneskjur þar af eru 162 að bíða eftir fyrstu úthlutun í húsnæði sem hentar þörfum fatlaðra í borginni og 45 á bið eftir milliflutningi úr einu húsnæði í annað Skýrsluna um rafræna vöktun má nálgast hér https://www.innriendurskodun.is/utgefid-efni/eftirlitsmyndavelar-a-vegum-reykjavikurborgar---frumkvaedissko%C3%B0un.

Mótmæli í borgarlandinu

samstodin@samstodin.is (Samstöðin) — Tue, 20 Feb 2024 16:00:00 +0000

Reykjavíkurfréttir 20. febrúar Mótmæli í borgalandi Í þætti dagsins ræðum við um nýtingu almannarýmis til mótmæla og samstöðufunda og einblínum á nýlega viðburði í Reykjavík til stuðnings Palestínu. Hjálmtýr Heiðdal formaður félagsins Ísland-Palestína kemur í þáttinn og ræðir við Sönnu Magdalenu og Halldóru um samstöðuaðgerðir og hvernig borgarrýmið nýtist til þess.

Reykjavíkurfréttir - Staðan í borginni

samstodin@samstodin.is (Samstöðin) — Tue, 13 Feb 2024 16:00:00 +0000

Í þætti dagsins ræðum við fjölbreytt mál sem hafa verið á dagskrá borgarstjórnar. Sanna Magdalena Mörtudóttir, Andrea Helgadóttir og Halldóra Hafsteinsdóttir kafa ofan í umræðu í kringum tillögu Sósíalistaflokksins um að hætta við fyrirhugaðar sumarlokanir borgarbókasafna, tillögu um umboðsmann borgarbúa. Þá fjöllum við einnig um umræður um mótmæli í borgarlandi og tekju- eignamörk til að komast í íbúðir Félagsbústaða.

Almenningsbókasöfn

samstodin@samstodin.is (Samstöðin) — Tue, 30 Jan 2024 16:00:00 +0000

Við ræðum fréttir vikunnar og fáum svo innsýn inn í almenningsbókasöfnin og mikilvægi þeirra. Við kíkjum í hljóðvarpsstúdíó þar sem Dögg Sigmarsdóttir segir okkur frá lýðræðisverkefnum. Svo kemur Barbara Guðnadóttir safnstjóri og segir okkur frá mikilvægi safnsins og félagslegu rými þess.

Útstrokun vinnuaflsins og hræddir valdhafar

samstodin@samstodin.is (Samstöðin) — Tue, 12 Dec 2023 16:00:00 +0000

Í upphafi spjalla þær Andrea Helgadóttir og Sanna Magdalena Mörtudóttir sín á milli um það sem borið hefur á í umræðu og í borgarmálum þessa vikuna. Andrea talar að því loknu við systkinin Nönnu Hlín Halldórsdóttur heimspeking og Bjarka Gunnar Halldórsson arkitekt um hvort og hvernig þau sjái einkenni þess að vinnuaflið sé ósýnilegt þegar horft er á samfélagið og umhverfið. Hvort einhver hluti almennings, eða einhver iðja almennings og borgarbúa hafi strokast út í íslensku borgar- eða samfélagsskipulagi. Andrea mun halda áfram að fjalla nánar um það þema í þáttunum á næstunni, við bjóðum hana velkomna í þáttargerðateymið.

Fánar, fjármál og fundir

samstodin@samstodin.is (Samstöðin) — Tue, 5 Dec 2023 16:00:00 +0000

Reykjavíkurfréttir, 5. des - Fánar, fjármál og fundir Í þætti dagsins fáum við kynningu á ýmsum málum borgarinnar, fjallað verður um stöðu aðgerðaráætlunar gegn rasisma í skóla- og frísundastarfi, fjárhagsáætlun, vetrarþjónustu og snjómokstur og loftslagsmálin innan borgarinnar í tengslum við óáreiðanlegar almennningssamgöngur. Þá fjöllum við um hvernig borgin geti sýnt samstöðu með stríðshrjáðum löndum með því að draga fána að húni og viðbrögð borgarinnar við Palestínska fánanum sem reistur var af aðgerðasinnum en fljótlega fjarlægður. Þetta og margt fleira í þætti dagsins með Andreu Helgadóttur og Sönnu Magdalena Mörtudóttur.

Fjárhagsáætlun og AirBnB

samstodin@samstodin.is (Samstöðin) — Tue, 28 Nov 2023 16:00:00 +0000

Sanna Magdalena Mörtudóttir og Andrea Helgadóttir borgar- og varaborgarfulltrúi Sósíalista fara yfir helstu fréttir úr borginni. Fjárhagsáætlunargerð stendur nú yfir og munum við fara yfir breytingartillögur Sósíalista. Þá koma Guðmundur Hrafn Arngrímsson formaður Samtaka leigjenda og Jón Ferdínand Estherarson sem situr í stjórn samtakanna til okkar og ræða um skaðsemi Airbnb og áhrif þess á leigumarkaðinn.

Baslið í borginni

samstodin@samstodin.is (Samstöðin) — Tue, 21 Nov 2023 16:00:00 +0000

Í dag fáum við kynningu á nýútgefinni skýrslu ÖBÍ réttindasamtaka um húsnæðismál fatlaðs fólks. Maríu Pétursdóttir formaður húsnæðishóps ÖBÍ og Kjartan Þór Ingason starfsmaður ÖBÍ koma til okkar og ræða þessi mál og hvað sveitarfélögin geti gert í þeim efnum. Í lokin heyrum við sögu Gunnhildar Hlöðversdóttur um háan húsnæðiskostnað en viðtal við hana birtist á Rauða borðinu fyrir um ári síðan þegar niðurstöður könnunar um slæma stöðu fatlaðs fólks á húsnæðismarkaði var kynnt.

Sorpið og pólitíkin

samstodin@samstodin.is (Samstöðin) — Tue, 7 Nov 2023 16:00:00 +0000

Borgarfulltrúarnir Sanna Magdalena Mörtudóttur og Trausti Breiðfjörð Magnússon fara yfir helstu fréttir úr borginni. Teitur Atlason kemur og ræðir sorphirðu í borginni. Umræður verða síðan um stjórnmálaástandið í Reykjavík með góðum gestum. Ólafur Þ. Harðarson stjórnmálafræðingur rýnir í nýjustu skoðanakönnun og fer yfir stöðuna ásamt Halldóri Auðar Svanssyni fyrrverandi borgarfulltrúa, Helgu Þórðardóttur varaborgarfulltrúa og Guðmundi Auðunssyni kosningastjóra sósíalista í borginni.

Reykjavíkurfréttir - Sunnutorg og skaðaminnkun

samstodin@samstodin.is (Samstöðin) — Wed, 1 Nov 2023 15:47:53 +0000

Borgarfulltrúarnir Sanna Magdalena Mörtudóttir og Trausti Breiðfjörð Magnússon fara yfir málin í borginni, í Reykjavíkurfréttum. Karl Héðinn Kristjánsson, formaður Ungra sósíalista kemur í stúdíóið og ræðir við okkur fréttir vikunnar. Eftir það skoðum við Sunnutorg og veltum því fyrir okkur hvað eigi að gera við þessa byggingu, sem hefur átt betri daga. Kristín I. Pálsdóttir, framkvæmdastýra og talskona Rótarinnar - Félags um velferð og lífsgæði kvenna og Kristján Ernir frá Viðmóti - notendasamtökum, koma til okkar í þáttinn að ræða skaðaminnkun, þar sem áhersla er lögð á að fyrirbyggja þann skaða og þá áhættu sem hljótast af notkun vímuefna. Við fjöllum einnig um hlutverk sveitarfélaga í þessum málefnum.

Reykjavíkurfréttir : Húsnæðismál í Ólestri

samstodin@samstodin.is (Samstöðin) — Wed, 1 Nov 2023 15:42:49 +0000

Borgarfulltrúarnir Sanna Magdalena Mörtudóttir og Trausti Breiðfjörð Magnússon ræða fréttir vikunnar í Reykjavík, heimsækja hjólhýsabyggðina við Sævarhöfða og fá gesti í stúdíóið til að ræða húsnæðiskreppuna í höfuðborginni. Gestir þáttarins eru Guðmundur Hrafn Arngrímsson formaður Samtaka leigjenda, Kolbrún Baldursdóttir borgarfulltrúi Flokks fólksins og Bjarni Þór Sigurðsson sérfræðingur í húsnæðismálum hjá ASÍ.

Reykjavíkurfréttir

samstodin@samstodin.is (Samstöðin) — Fri, 6 Oct 2023 15:32:45 +0000

Borgarfulltrúar sósíalista ræða það sem bar hæst í nýliðinnu viku. Þar á meðal er ný skýrsla um athugun á vöggustofum en þær tóku til starfa 1949. Einnig ræða þau nýtt hverfi sem á að rísa í Keldum og setja það í samhengi við stöðuna á húsnæðismarkaði. Tillaga sósíalista í borgarstjórn verður einnig rædd ásamt öðrum málum sem þar fóru fram.

Félagsbústaðir hækka leigu

samstodin@samstodin.is (Samstöðin) — Fri, 29 Sep 2023 14:00:00 +0000

Sanna Reykjavík - 29. september Félagsbústaðir hækka leigu Félagsbústaðir kynntu nýverið breytingar á leigu sem leiðir til þess að stór hópur sér nú fram á að greiða hærri leigu. Breytingin mun hafa áhrif á 2.649 leigjendur hjá Félagsbústöðum, þar sem leiga hækkar hjá 1.538 leigjendum en lækkar hjá 1.111 leigjendum. Breytingin er kynnt af Félagsbústöðum sem aðferð í því að jafna leiguverð á milli ólíkra íbúða þannig að leigan sé sem jöfnast óháð staðsetningum og fleiri þáttum. Leigjendur Félagsbústaða búa við erfiða fjárhagslega stöðu og geta ekki greitt hærri leigu. Í þættinum í dag kemur til okkar leigjandi Félagsbústaða, Svandís Ragnarsdóttir og veitir okkur innsýn í veruleika leigjenda og hvernig er að fá tilkynningu um leiguhækkun.

Borgarbúi fær nóg

samstodin@samstodin.is (Samstöðin) — Fri, 22 Sep 2023 19:22:21 +0000

Borgarstjórn felldi í vikunni tillögu sósíalista um 0,05% hækkun gjalda á fyrirtæki, í þá upphæð sem hún var í fyrir covid heimsfaraldurinn. Þannig hefði borgin getað fengið rúman hálfan milljarða á ári, næstu ár. Sárleg þörf er á fjármunum í grunnþjónustu borgarinnar sem hefur verið skorin niður á síðustu misserum. Meirihlutinn vildi ekki horfast í augu við þessa stöðu og felldu tillöguna. Anita Da Silva Bjarnadóttir sem á heima í Reykjavík fylgdist með fundinum í vikunni. Við ætlum að ræða við hana um stöðuna í borginni og hvernig hún birtist íbúum.

Umhverfissálfræði og Arkítektúruppreisnin

samstodin@samstodin.is (Samstöðin) — Fri, 15 Sep 2023 15:28:44 +0000

Í dag fáum við tvo gesti til að ræða borgarskipulag, arkitektur nútímans og áhrif þess á andlega líðan. Stórir verktakar hafa aukið völd sín í skipulagsmálum og stýra allri þróun. Krafan um hámarkshagnað trompar önnur sjónarmið. Þar með talið hugmyndir um fegurðargildi bygginga, áhrif hönnunar á líðan íbúa, svo ekki sé talað um húsnæðisverð. Er einsleitnin of mikil? Hvers vegna er svona margar byggingar eins og gráir kassar? Hvað geta skipulagsyfirvöld gert til að bæta úr? Þetta og margt fleiri í þættinum. Páll Jakob Líndal umhverfissálfræðingur snýr aftur til að ræða málin. Ásamt honum kemur Þórhallur Bjarni Björnsson, einn af talsfólki hópsins „Arkitektúruppreisnin á Íslandi”.

Sanna Reykjavík - Vinnuskóli Reykjavíkur

samstodin@samstodin.is (Samstöðin) — Fri, 23 Jun 2023 15:08:15 +0000

23. Júní Nýjung í dag! Í upphafi þessa þáttar verður birt stutt innslag þar sem Trausti ræðir við íbúa í Grafarvogi. Við viljum heyra frá hverfisbúum hvernig aðstæður eru og hvað megi gera betur. Með tímanum er markmiðið að búið verði að ræða við fólk úr öllum hverfum. Eftir innslagið ræðum við svo um Vinnuskóla Reykjavíkur. Hvers vegna ákvað meirihlutinn í Reykjavík að frysta laun unglinga? Á sama tíma var ekki tekið undir tillögu Sósíalista um að gera slíkt hið sama fyrir borgarfulltrúa. Er þetta tvískinnungur hjá kjörnum fulltrúum? Til að ræða þessi mál kemur til okkar Úlfhildur Elísa Hróbjartsdóttir sem situr í ungmennaráði Vesturbæjar, Miðborgar og Hlíða. Ráðið sendi frá sér yfirlýsingu þar sem ákvörðun borgarinnar var harðlega mótmælt. Úlfhildur hefur unnið í vinnuskóla Reykjavíkur og er því með reynslu af þessu starfsumhverfi. Við munum ræða launakjörin, starfsaðstæður og hvort ungmenni eigi sjálf að hafa meiri völd á vinnustaðnum. Fylgist með í dag til að læra af unga fólkinu.

Íslenski leigumarkaðurinn sá versti í Evrópu

samstodin@samstodin.is (Samstöðin) — Fri, 5 May 2023 18:44:43 +0000

5. maí 2023 Samtök leigjenda á Íslandi gerðust nýlega meðlimir að IUT, alþjóðasamtökum leigjenda á ráðstefnu í Lissabon. Þar var fjöldi fólks úr ýmsum áttum samankominn og fulltrúi íslensku leigjendasamtakanna vakti athygli á stöðu leigjenda á Íslandi. Fulltrúum annarra landa í Evrópu sem þangað voru samankomin fannst margt undarlegt við íslenska leigumarkaðinn og þá sérstaklega hvernig leigubótakerfinu er háttað hér á landi. Yngvi Ómar Sighvatsson frá samtökum leigjenda á Íslandi kemur til okkar og ræðir ferðina til Lissabon, hvað hann lærði og hvað af því sé hægt að nota í baráttunni hér heima

Einkavæðing í Reykjavík

samstodin@samstodin.is (Samstöðin) — Fri, 28 Apr 2023 19:21:30 +0000

Föstudagur 28. apríl 2023. Þór Saari kemur til okkar að ræða einkavæðingu Ljósleiðarans í Reykjavík. Meirihlutinn í Reykjavík virðist aðhyllast hægri pólitík sem felur í sér niðurlagningu stofnana, einkavæðinga og lækkun fyrirtækjaskatta. Við ræðum á hvaða vegferð meirihlutinn í borginni er, hvernig EES tilskipanir kveða á um markaðsvæðingu innviða og hvað er hægt að gera til að komast upp úr hugmyndafræði nýfrjálshyggjunnar.

Starfið í leikskóla

samstodin@samstodin.is (Samstöðin) — Fri, 21 Apr 2023 15:32:54 +0000

Andrea Helgadóttir varaborgarfulltrúi Sósíalista kemur til okkar og við kynnumst henni og bakgrunni hennar. Áður en hún hóf störf í borgarstjórn starfaði hún í leikskóla og með börnum. Í þættinum ræðum við stöðu leikskólamála, hvað þarf að laga og hvernig megi vinna að því.

Samtök leigjenda

samstodin@samstodin.is (Guðný Benediktsdóttir, Trausti Breiðfjörð) — Sat, 11 Mar 2023 18:04:07 +0000

Í þætti dagsins fáum við Guðnýju Benediktsdóttur í heimsókn. Hún hefur verið leigjandi í 27 ár og situr nú í stjórn Samtaka leigjenda. Guðný hefur búið víðsvegar og segir okkur frá áratugareynslu sinni af því að vera leigjandi. Við ræðum einnig stöðuna á leigumarkaðnum og hverju samtök leigjenda eru að berjast fyrir þessi misserin.

Strætómálin

samstodin@samstodin.is (Samstöðin) — Tue, 31 Jan 2023 17:42:03 +0000

Föstudagur 20. janúar Við ræðum við Söru Stef Hiladardóttur um málefni strætó. Hún notar farmátann daglega og hefur gagnrýnt strætókerfið að undanförnu á síðu Félags strætófarþega. Tölum um útvistun, farþegaaðstöðu og þjónustuna.

Staðan í borginni

samstodin@samstodin.is (Samstöðin) — Tue, 31 Jan 2023 16:56:37 +0000

Fimmtudagur 19 janúar Sanna og Trausti, borgarfulltrúar Sósíalista ræða stöðu mála í borginni. Hvað hefur verið á dagskrá upp á síðkastið og hver er afstaða Sósíalista til þeirra mála? Hvað hafa þau lagt fram og hvernig hefur umræðan verið?

Unglingasmiðjur borgarinnar

samstodin@samstodin.is (Samstöðin) — Thu, 22 Dec 2022 20:14:55 +0000

Fimmtudagurinn 22. Desember 22 Unglingasmiðjur borgarinnar Á dögunum kynnti borgin áform um að loka ætti unglingasmiðjum sem eru ætluð félagslega einangruðum ungmennum. Sigurlaug H. Traustadóttir, félagsráðgjafi sem hefur starfað í unglingasmiðjum Reykjavíkurborgar segir okkur frá starfseminni sem þar fer fram. Sigurlaug skrifaði einnig mastersritgerð um upplifun notenda af smiðjunum í Reykjavík. Við ræðum hugmyndafræði unglingasmiðjanna, hversu vel hún hefur virkað og mikilvægi slíkrar starfsemi.

Reykvískur Sósíalismi á 20. öld

samstodin@samstodin.is (Samstöðin) — Thu, 22 Dec 2022 19:59:18 +0000

Sanna Reykjavík 16. des 22 Reykvískur Sósíalismi á 20. öld Í þætti dagsins fáum við Sigurð Pétursson sagnfræðing í heimsókn. Hann hefur mikla þekkingu á verkalýðsmálum og ætlar að segja okkur frá sögu Sósíalista í Reykjavík á síðustu öld. Árið 1946 voru 4 borgarfulltrúar af 15 í Reykjavík Sósíalistar. Einnig voru þeir með fulltrúa í sveitarfélögum um landið allt, þar með talið hreinan meirihluta á Neskaupstað. Hvað á þessum tíma olli því að hljómgrunnur Sósíalista var svona sterkur? Spilaði verkalýðshreyfingin inn í? Eru einhver líkindi með þeim tímum sem Sósíalistar voru á hápunkti sínum og þeim tímum sem við lifum við í dag? Við leitum einnig svara við því hverju Sósíalistar voru að berjast fyrir í Reykjavík á þessum tíma og hverju var áorkað. Hvað getum við lært af þeim og erum við með svör þaðan um hvernig sé best að heyja baráttu alþýðunnar í borginni?

Staða leigjenda

samstodin@samstodin.is (Samstöðin) — Thu, 15 Dec 2022 22:36:09 +0000

Fimmtudagurinn 15. desember 2022 Staða leigjenda Guðmundur Hrafn Arngrímsson, formaður Leigjendasamtakanna segir okkur frá því nýjasta í stöðu leigjenda hér á landi. Við munum ræða aðkomu stjórnvalda að uppbyggingu húsnæðis sem og réttindi leigjenda. Hvernig geta sveitarfélög byggt upp góða borg sem hefur hag leigjenda að leiðarljósi og að hve miklu leyti eru raddir leigjenda hafðar með í ráðum varðandi húsnæðisuppbyggingu? Þetta og margt fleira verður í þættinum.

Umhverfissálfræðileg sjónarmið í borgarhönnun.

samstodin@samstodin.is (Samstöðin) — Fri, 18 Nov 2022 20:21:40 +0000

18.Nóvember 2022 Umhverfið hefur mikil áhrif á okkur mannfólkið og í þættinum skoðum við sálræn áhrif umhverfis, skipulagningar og hönnunar. Við skoðum hvaða sjónarmið eru ráðandi í uppbyggingu og hönnun borgarrýma og almenningssvæða. Þar að auki skoðum við hvort að fjármagn eða íbúar hafi meira vægi í mótun nærumhverfis. Þá spyrjum við einnig hvort að skipulag geti verið útilokandi fyrir ákveðna hópa samfélagsins og hvernig sé hægt að tryggja að svo verði ekki. Móheiður Helga Huldudóttir Obel, arkitekt og Páll Jakob Líndal, umhverfissálfræðingur koma til okkar að ræða þessi mál.

Hjólhýsabyggð: Óviissa um framtíð

samstodin@samstodin.is (Samstöðin) — Fri, 4 Nov 2022 18:26:26 +0000

Í þessum þætti verður rætt við Bergþóru Pálsdóttur. Hún á heima í laugardalnum, nánar tiltekið á hjólhýsa- og húsbílasvæðinu þar. Á síðustu árum hefur hún ásamt öðrum íbúum barist fyrir því að búsetan verði skilgreind til langtíma. Óvissan er mikil því borgin hefur ekki ennþá boðið þeim langtímadvöl. Við ætlum að ræða við Bergþóru um stöðuna og hvað hún vilji að borgin í málunum.

Strætó: Farþegi og vagnstjóri

samstodin@samstodin.is (Samstöðin) — Fri, 4 Nov 2022 18:26:06 +0000

Í fyrsta þætti nýs kjörtímabils ætla borgarfulltrúar Sósíalista að ræða málefni Strætó. Til okkar koma tveir góðir gestir. Annar þeirra er vagnstjóri hjá Strætó, Pétur Karlsson og hinn er farþegi sem nýtir sér reglulega þjónustuna, Sturla Freyr Magnússon. Við viljum heyra hvað þeir hafa að segja um Strætó. Hvernig leggjast nýjustu fréttir í þá um aukna einkavæðingu? Er leiðarkerfið að þjóna farþegum eins vel og ætti að ganga? Er nógu mikið hlustað á það sem farþegar og vagnstjórar hafa að segja um þjónustu Strætó? Svör við þessum og fleiri spurningum í þætti kvöldsins.

Leigjendur krefjast aðgerða

samstodin@samstodin.is (Guðmundur Hrafn Arngrímsson) — Fri, 1 Apr 2022 17:00:00 +0000

Sanna ræðir við Guðmund Hrafn Arngrímsson, formann leigjendasamtakanna, um fund borgarstjóra um stefnu og aðgerðir Reykjavíkurborgar í uppbyggingu húsnæðis.

Alþýðufélagið styrkir Samstöðina. Alþýðufélagið hefur það markmið að auðga og bæta umræðu í samfélaginu. Allir geta gengið í Alþýðufélagið og styrkt þar með efni og útbreiðslu Samstöðvarinnar. Takk fyrir stuðninginn!

Stuðningskennsla í grunnskólum

samstodin@samstodin.is (Thelma Rún Gylfadóttir) — Tue, 29 Mar 2022 17:00:00 +0000

Laufey ræðir við Thelmu Rún Gylfadóttur um reynslu hennar af sérkennslu og öðrum stuðningi við börn í leik- og grunnskólum. Thelma starfar sem sérkennari í grunnskóla í Garðabæ en er einnig foreldri barns sem sækir grunnskóla í Reykjavík. Rætt er um þau úrræði sem til boða (og þau sem standa ekki til boða) og hvað væri mögulega hægt að gera til að tryggja öllum börnum þann stuðning sem þau þurfa á að halda í sinni skólagöngu.

Skólar og þarfir barna

samstodin@samstodin.is (Fjóla Heiðdal) — Fri, 18 Mar 2022 17:00:00 +0000

Fjóla Heiðdal segir okkur frá reynslu sinni af skólakerfinu og stuðningsúrræðum í tengslum við skólagöngu barnsins síns. Við heyrum hvernig er brugðist við þegar þörf er á stuðningi og hvað megi betur fara. Í þættinum ræðum við hvernig kerfið tekur á móti foreldrum og börnum með ákveðnar greiningar.

Valdið til fólksins!

samstodin@samstodin.is (Guðmundur Auðunsson) — Tue, 15 Mar 2022 17:00:00 +0000

Guðmundur Auðunsson og Sanna Magdalena Mörtudóttir ræða stefnuyfirlýsingu sósíalista fyrir komandi sveitarstjórnarkosningar sem ber heitir Valdið til fólksins! Útgangspunkturinn snýr að því að íbúar og starfsfólk sveitarfélaga komi meira að mótun og ákvarðanatöku innan sveitarfélaganna. Til þess að það verði að veruleika þarf að stórauka tekjur til sveitarfélaga og tryggja að fjármagnið verði sótt til þeirra sem hafa færi á því að greiða það. Í þættinum verður farið yfir stefnumálin og það sett í samhengi við veruleika íbúa. Hér má lesa stefnuyfirlýsinguna í heild sinni: https://sosialistaflokkurinn.is/2022/...

Lágar upphæðir fjárhagsaðstoðar

samstodin@samstodin.is (Samstöðin) — Fri, 11 Mar 2022 17:00:00 +0000

Sveitarfélögum er skylt að veita þeim sem ekki geta séð sér og sínum farborða án aðstoðar, fjárhagsaðstoð til framfærslu. Grunnfjárhæðin er mjög lág og er hún 217.799 hjá Reykjavíkurborg og lækkar ef viðkomandi býr ekki í eigin húsnæði eða leigir húsnæði. Þar að auki er litið til tekna maka, þannig að réttur einstaklings til fjárhagsaðstoðar skerðist eða dettur út ef tekjur maka eru hærri en það sem hjón eða sambúðarfólk eiga rétt á hjá sveitarfélögunum. Í dag er miðað við svokallaðan hjónakvarða til hjóna/sambúðarfólks sem er 348.476 á mánuði. Ása Lind Finnbogadóttir kemur til okkar í þáttinn en nýlega greindi hún frá því að maki hennar ætti ekki rétt á fjárhagsaðstoð vegna tekna hennar og erfitt væri að sjá fyrir sér hvernig dæmið ætti að ganga upp. Í þættinum ræðum við þetta og hvernig félagslegu kerfin sem eiga að grípa okkur, gera það ekki.

Andfemínískt skipulag borga

samstodin@samstodin.is (Sara Stef, Þóra Kristín) — Tue, 8 Mar 2022 17:00:00 +0000

Við ræðum skipulag borga og hvernig rými eru hönnuð og hvernig skipulag og aðrir þættir geta komið í veg fyrir að þau henti ákveðnum hópum. Sara Stef og Þóra Kristín Þórsdóttir koma í þáttinn og við ræðum m.a. snjóruðning, sundlaugar og samgöngur.

R.E.C Arts Reykjavík

samstodin@samstodin.is (Chaiwe Sól, Eva Björk, Rebecca Hidalgo) — Tue, 1 Mar 2022 17:00:00 +0000

Today's show will be in English as we are joined with R.E.C Arts Reykjavík, a new theatrical and artistic creative team based in Reykjavík. Their aim is to bring diversity, visibility and representation of marginalized groups to the mainstream theater, dance and music scenes in Iceland. Chaiwe Sól, Eva Björk and Rebecca Hidalgo tell us how R.E.C Arts Reykjavík started out and how it’s going. We also discuss what needs to change in the Icelandic community to make sure that it truly is a place for all of us who reside here. Here you can check out their Instagram page and see info on their workshops: www.instagram.com/recartsrvk

Réttlæti fyrir börn vöggustofanna

samstodin@samstodin.is (Árni H. Kristjánsson, Viðar Eggertsson) — Fri, 25 Feb 2022 17:00:00 +0000

Árni H. Kristjánsson og Viðar Eggertsson segja okkur frá málefnum vöggustofanna og afleiðingum þess á börn og fjölskyldur. Vöggustofur voru reknar á vegum borgarinnar á árunum 1949-1979 og voru hugsuð sem úrræði fyrir börn sem bjuggu við erfiðar félagslegar aðstæður, oftast var um að ræða börn alþýðufólks. Inni á vöggustofunum var ekki hugað að þörfum barnanna og Árni og Viðar segja okkur frá félagslegum, andlegum og líkamlegum afleiðingum sem þetta hafði í för með sér. Við ræðum hvað þarf að gera varðandi rannsókn málsins og hvar málið er statt innan borgarkerfisins.

Samstaða, mótmæli og kraftur fjöldans

Tue, 22 Feb 2022 17:00:00 +0000

Við ræðum mikilvægi samstöðu, mótmæli og kraftinn sem á sér stað í því þegar margir einstaklingar koma saman til að senda skýr skilaboð. Karl Héðinn Kristjánsson, Rúnar Freyr Júlíusson og Trausti Breiðfjörð Magnússon ungir sósíalistar koma í Hina Reykjavík til þess að ræða mótmælin gegn ofsóknum á fjölmiðlafólki sem fóru fram síðastliðinn laugardag. Mótmælin voru haldin samtímis á Austurvelli í miðbæ Reykjavíkur og Ráðhústorginu á Akureyri. Við ræðum skipulagsferlið á bak við mótmæli og mikilvægi samstöðunnar.

Réttindabarátta leigjenda

samstodin@samstodin.is (Guðmundur Hrafn Arngrímsson) — Fri, 18 Feb 2022 17:00:00 +0000

Guðmundur Hrafn Arngrímsson leigjandi og stjórnarmeðlimur í Samtökum leigjenda á Íslandi segir okkur frá stöðu og kröfum leigjenda. Við förum yfir stöðuna á Íslandi og erlendis og skoðum árangursríkar baráttuaðferðir sem hafa virkað til að bæta stöðu leigjenda. Samtök leigjenda á Íslandi gáfu nýverið út viðmiðunarverð svo leigjendur og leigusalar geti glöggvað sig á raunvirði leigu. Í þættinum fjöllum við um viðbrögðin sem sú reiknivél hefur fengið og viðbrögðin við kröfum leigjenda í samfélaginu almennt.

Hér má skrá sig í Samtök leigjenda á Íslandi: https://leigjendasamtokin.is/

Útrýmum fátækt

samstodin@samstodin.is (Ásta Dís Skjalddal, Laufey Líndal Ólafsdóttir) — Tue, 15 Feb 2022 17:00:00 +0000

Hvernig útrýmum við fátækt? Ásta Dís Skjalddal samhæfingastjóri hjá PEPP Ísland grasrót fólks í fátækt og Laufey Líndal Ólafsdóttir, peppari ræða þessi mál í Hinni Reykjavík. Við fjöllum um þær aðgerðir sem þurfa að eiga sér stað til að útrýma fátækt, hvernig megi koma þeim í framkvæmd og hvernig eigi að mæta fátæku fólki.

Betri strætó

Fri, 11 Feb 2022 17:00:00 +0000

Hvernig virkar strætó fyrir borgarbúa, hvað þarf að laga og hvernig má ná því fram? Til þess að ræða þessi mál koma Björn Reynir Halldórsson, Claudia Overesch og Laufey Líndal Ólafsdóttir í Hina Reykjavík. Við ræðum þjónustu strætó, hvernig tekið er á móti ábendingum strætófarþega, aðgengi að strætó og strætóskýlum, öryggi í vögnum og margt fleira. Þá fjöllum við einnig um tengsl á milli hverfa og innan hverfa og útvistun á störfum innan strætó.

Verkalýðsbarátta

samstodin@samstodin.is (Sæþór Benjamín Randalsson, Guðbjörg María Jósepsdóttir) — Tue, 8 Feb 2022 17:00:00 +0000

Sæþór Benjamín Randalsson og Guðbjörg María Jósepsdóttir, félagar í Eflingu segja okkur frá mikilvægi þess að vera í stéttarfélagi. Í tilefni þess að stjórnarkosningar hjá Eflingu fara fram dagana 9.- 15. febrúar spyrjum við út í fyrstu skref þeirra í skipulagðri verkalýðsbaráttu, hvað hún snýst um og hvernig megi ná árangri. Sæþór og Guðbjörg bjóða sig fram til stjórnar Eflingar hjá Baráttulistanum og í þættinum spyrjum við út í áherslur listans og stefnumál.

Efnahagslegt óréttlæti í orkumálum

samstodin@samstodin.is (Laufey Ólafsdóttir) — Fri, 4 Feb 2022 17:00:00 +0000

Laufey Ólafsdóttir segir okkur frá starfi EAPN (European Anti Poverty Network) og nýlegum umræðufundi um aðgengi að rafmagnsorku og húshitun. Vegna fátæktar hafa ekki allir það aðgengi. EAPN eru evrópsk samtök sem berjast gegn fátækt og félagslegri einangrun og stóðu ásamt öðrum samtökum fyrir alþjóðlegum fundi um orkumál og aðgengi að þeim. Í þættinum förum við yfir kröfur sem fram hafa komið varðandi aðgengi fólks að orku og setjum það í samhengi við málin í borginni. Hér má lesa nánar um alþjóðlega fundinn sem er til umræðu í þættinum: Right to energy

Fátækt í Reykjavík

samstodin@samstodin.is (Birna Kristín Sigurjónsdóttir, Hildur Oddsdóttir) — Tue, 1 Feb 2022 17:00:00 +0000

Peppararnir Birna Kristín Sigurjónsdóttir og Hildur Oddsdóttir segja okkur frá starfi PEPP Ísland, grasrót fólks í fátækt. Þær segja okkur frá starfsemi samtakanna, valdeflingunni sem felst í því að koma fram með því að viðurkenna stöðu stöðu sína og tala um hana. Í þættinum fjöllum við um mikilvægi þess að hitta fólk sem þekkir það að búa við fátækt og hvernig það nýtist í baráttunni gegn fátækt og félagslegri einangrun.

Aðstöðuleysi í grunnskólum

samstodin@samstodin.is (Samstöðin) — Fri, 28 Jan 2022 17:00:00 +0000

Símon Vestarr, íslenskukennari ræðir við okkur um stöðu grunnskólana. Í þættinum skoðum við aðstöðuna sem kennarar og starfsfólk grunnskóla hefur til að taka á móti börnum, rýmið og móttökuáætlanir fyrir börn af erlendum uppruna. Í þættinum skoðum við hvað skólarnir þurfa til að veita góða aðstöðu og hvaða þættir ógni því að börn geti átt góða grunnskólagöngu. Margt utan við skólann hefur áhrif á líðan nemanda og því skoðum við einnig aðra félagslega þætti sem spila þar inn í.

Ungt fólk, vinnuálag og húsnæði

samstodin@samstodin.is (Samstöðin) — Tue, 25 Jan 2022 17:00:00 +0000

Katrín Tinna Eyþórsdóttir kemur í Hina Reykjavík og segir okkur frá vegferð sinni úr foreldrahúsum í eigið húsnæði. Við munum fjalla um störf hennar í næturvinnu á spítala, aukastarfi hennar, hark og aukavaktir og áhrif þess á lífið og líkamann. Aðstæður fólks eru misjafnar og í þætti dagsins skoðum við hvað ungt fólk þurfi að gera til að útvega sér húsnæði og hvað sé hægt að gera til að létta álagi af ungu vinnandi fólki í húsnæðisleit. Katrín endar á því að nefna: „ég er alltaf í kapphlaupi við sjálfa mig að eignast peninga svo ég geti séð fyrir sjálfri mér“, veruleiki sem margir tengja við.

Löng bið eftir húsnæði

samstodin@samstodin.is (Anita Da Silva Bjarnadóttir) — Fri, 21 Jan 2022 17:00:00 +0000

Anita Da Silva Bjarnadóttir segir okkur frá reynslu sinni af húsnæðiskerfi borgarinnar þar sem hún beið í næstum tólf ár eftir félagslegri íbúð án þess að biðin skilaði árangri. Hún er nýlega komin aftur á þann biðlista og við ræðum óöryggi á leigumarkaði, hátt leiguverð og ferlið að baki þess að sækja um og viðhalda umsókn um félagslegt leiguhúsnæði. Umsækjendur félagslegs leiguhúsnæðis þurfa að fara í gegnum ákveðið matsferli þar sem fjárhags- og félagslegar aðstæður eru metnar til stiga og þrátt fyrir að þörfin sé mikil, eru margir sem bíða til lengdar eftir húsnæði. Í þættinum förum við yfir þá stöðu sem blasir við fólki sem er fast á milli lágra tekna og okurleigu og ræðum það hvort að uppbygging húsnæðis síðustu ára hafi tekið mið af þörfum öryrkja, láglaunafólks og einstæðra foreldra.

Rasismi á Íslandi

Tue, 18 Jan 2022 17:00:00 +0000

Anna Sonde, Kristín Reynisdóttir, Johanna Haile og Valgerður Reynisdóttir segja okkur frá síðunni sinni Antirasistarnir á Instagram þar sem fræðsla um rasisma á Íslandi fer fram. Í þættinum ræðum við um birtingarmyndir rasisma í íslensku samfélagi og viðbrögð skólakerfisins við kynþáttafordómum. Í þættinum skoðum við hvernig hægt sé að berjast gegn rasisma og viðbrögðin sem Antirasistarnir hafa fengið. Hér má sjá síðu Antirasista á Instagram: https://www.instagram.com/antirasistarnir/ og þar inn á má einnig finna upplýsingar um fróðleg hlaðvörp þeirra.

Reynsluheimur dagforeldra

samstodin@samstodin.is (Sigurgyða Þrastardóttir) — Fri, 14 Jan 2022 17:00:00 +0000

Sigurgyða Þrastardóttir, dagmamma segir okkur frá stöðu dagforeldra í Reykjavíkurborg, starfsskilyrðum og samskiptum við borgina. Dagforeldrum hefur fækkað á síðustu árum, börnum fjölgað og erfitt er að fá pláss fyrir börn í daggæslu. Á sama tíma bíða börn lengi eftir því að komast að í leikskóla og margir foreldrar eru í erfiðri stöðu. Dagforeldrar veita þjónustu sem foreldrar reiða sig á og er börnum mikilvæg. Í þættinum munum við spyrja út í húsnæðisaðstæður, aðbúnað og fjárframlög sem dagforeldrum stendur til boða.

Kreppa í leikskólum

samstodin@samstodin.is (Samstöðin) — Tue, 11 Jan 2022 17:00:00 +0000

Signý Sigurðardóttir, starfskraftur á leikskóla, mætir í Hina Reykjavík og fræðir okkur um störf og starfsskilyrði mikilvægustu starfskrafta samfélagsins. Launakjör og starfsaðstæður leikskólastarfsfólks hafa mikið verið í umræðunni og ljóst er að margt þarf að breytast til að gera aðstæður góðar bæði fyrir starfsfólkið og börnin sem sækja skólana. Í þættinum munum við fara yfir þessi mál ásamt því að ræða aðstæður barna með mismunandi bakgrunn og hvernig þörfum þeirra er mætt.

Skipulagsmál og borgarrými

Fri, 17 Dec 2021 17:00:00 +0000

Skipulag nærumhverfisins getur gefið okkur jákvæða orku en getur einnig verið hamlandi allt eftir því hvernig það er byggt upp. Viðmælendur þáttarins eru Sigrún E. Unnsteinsdóttir og Laufey Líndal Ólafsdóttir og í þættinum verður farið yfir skipulagsmál út frá sjónarhóli gangandi vegfarenda og hverfisskipulags. Sanna Magdalena Mörtudóttir ræðir við viðmælendur um græn svæði, göngustíga og gangstéttir, grenndargáma, kaffihús og skólagarða, svo fátt eitt sé nefnt.

Fátækt, fjárhagsaðstoð og áhrif á börn

samstodin@samstodin.is (Sanna Magdalena Mörtudóttir, Elísabet Hauksdóttir) — Fri, 10 Dec 2021 17:00:00 +0000

Í þættinum í dag ræðum við hvernig það er að lifa af upphæðum fjárhagsaðstoðar, fátækt og það sem þarf að neita sér um í slíkri stöðu. Elísabet Hauksdóttir ræðir við Sönnu Magdalenu Mörtudóttir.

Í dag mun Hin Reykjavík varpa ljósi á afleiðingum fátæktar, afleiðingum þess á börn og hversu erfitt er að vinna úr áföllum í þeirri stöðu. Við kynnumst einnig valdeflandi starfsemi Peppsins (grasrót fólks í fátækt) og fáum að heyra meira um verkefnið TINNU sem hefur það að markmiði að veita einstæðum foreldrum stuðning sem hafa fengið fjárhagsaðstoð eða eru með örorkulífeyri.

Starfar stjórnmálafólk fyrir alþýðuna?

Fri, 3 Dec 2021 17:00:00 +0000

Hvernig virka stjórnmál á Íslandi? Hvað felur nýr stjórnarsáttmáli ríkisstjórnarinnar í sér og hver verða áhrif hans á landsmenn? Sanna Magdalena Mörtudóttir og Kristbjörg Eva Andersen Ramos leitast við að skilja nútíma stjórnmál, hlutverk ráðherra og hvað núverandi stjórnarstaða þýðir fyrir okkur íbúana.

Í þættinum verður leitast við að svara því hvernig almenningur getur komið sinni rödd á framfæri og stuðlað að breytingum.